Kriol

Dih Kriol kuors dah wan kuors weh dizain fih protek ahn empowa dih Raizal styudent dem a dih Antioquia Yuniversity. Ih set op fih dih styudent dem weh deh far fram huom ahn no gat dih apatyunity fih interak wid aal dih nalij, kostom, kosmovizhan ahn wie a tinkin weh bilangs tuh dih plies dem kaal huom. Dih kuors help dih styudent rekonaiz ahn aknalij seh Kriol dah wan lejitimiet langwij ahn seh ihm gat dih rait ahn dih apatyunity fih yuuz ih ahn taak ih enywie ahn evrywie. So iina daty sens, dih Kriol kuors tiich ahn help dih styudent fih laan, iina komyunity, dih tradishanal ring plie dem; dih histry ahn dih niem dem a dih teritory weh dih Raizal pipl liv; dih strokcho ahn divelopment a dih ansestral hous dem; ahn how dis rilietid tuh aal kain a komyunity praktis laik fih kuk, tel Anansy stuoriz ahn dih fier ahn daans. So at dih en a dih kuors, dih styudent gwain gat dih ability fih rekonaiz som a dih tradishan a ihn fuorpierents, aal a dis truu dih Kriol langwij.

El curso de Kriol es un curso diseñado para proteger y empoderar a los estudiantes Raizales de la Universidad de Antioquia. Fue construido para los estudiantes que se encuentran lejos de su hogar, los cuales no pueden aproximarse a todo el conocimiento ancestral, la cosmovisión y las formas propias de pensamiento que le pertenecen al lugar que llaman hogar. El curso ayuda al estudiante a reconocer el Kriol como una lengua legítima y que tanto él como ella tienen el derecho y la oportunidad de hablarlo y utilizarlo en todo momento y lugar. En ese sentido, el curso de Kriol enseña y ayuda al estudiante a aprender, en comunidad, las rondas tradicionales; la historia y los nombres del territorio donde viven las personas Raizales; la estructura y el desarrollo de las casas ancestrales; y la forma como esto se relaciona con todo tipo de prácticas tales como cocinar, contar historias de Anansy y el fier ahn daans. Así, que al finalizar el curso, el o la estudiante tendrán la habilidad de reconocer algunas de las tradiciones de sus ancestros, todo esto a través de la lengua Kriol.